कोरोना प्रभाव : डलरको भाउ फेरि बढ्यो
विश्वभरि कोरोनाको माहामारी फैलिरहेको अवस्थामा डलरको भाउ पनि तलमाथी भइरहेको छ । सो डलरको भाउ सोमबार फेरि थोरै बढेको छ ।
गएको हप्ता केही ओरालो लागेको थियो ।सोमबार ८ पैसा बढेर अमेरिकी डलर १ को बिक्रीदर १ सय २० रुपैयाँ १६ पैसा तोकिएको नेपाल राष्ट्र बैंकले जनाएको छ ।
आइतबार अमेरिकी डलर १ को बिक्रीदर १ सय २० रुपैयाँ ८ पैसा थियो । यस्तै १ डलरको खरिददर १ सय १९ रुपैयाँ ४८ पैसा थियो ।
गएको मङ्गलबार अमेरिकी डलर १ को बिक्रीदर अहिलेसम्मकै महँगो १ सय २२ रुपैयाँ ३४ पैसा पुगेको थियो ।
