कोरोना संक्रमित पुष्टि भएकी युवतीसँग आएका सबै १२५ यात्रुको नाम-ठेगाना खुल्यो
आइतबार कोरोना संक्रमण पुष्टि भएकी युवतीसँगै कतारबाट जहाजमा आएका १ सय २५ जनाको पहिचान खुलेको छ।
उनी आएको कतार एयरवेजको फ्लाइट नम्बर क्युआर ६५२ मा आएका १ सय ५२ जनामध्ये १ सय२५ जनाको पहिचान र ठेगाना खुलेको नेपाल प्रहरीका प्रवक्ता डिआइजी शैलेश थापा क्षेत्रीले जानकारी दिए।
गत चैत ४ गते फ्रान्सबाट कतार हुँदै नेपाल आएकी ती १९ वर्षिया युवतीमा संक्रमण देखिएको स्वास्थ्य मन्त्रालयले सोमबार पुष्टि गरेको थियो।
थापाकाअनुसार प्रहरीले त्रिभुवन विमानस्थलबाट विवरण मागेर अनुसन्धान थालेको थियो।
