भारतमा रहेका सम्पूर्ण नेपालीलाई आफू बसेको ठाउँ नछाड्न दूतावासको अनुरोध
छिमेकी देश भारतमा रहेको नेपाली दूतावासले भारतमा रहेका सम्पूर्ण नेपालीलाई आफू बसेको ठाउँ नछाड्न अनुरोध गरेको छ ।
कोरोनाको माहामारी फैलिएको अवस्थामा भारत सरकारले लागू गरेको कर्फ्यु र ‘लकडाउन’ आदेश तथा सूचनाको पूर्ण पालना गर्न दुतावासले सूचना निकालेर अनुरोध गरेको हो ।
भारतका विभिन्न २२ राज्यका ७५ जिल्लामा ‘लकडाउन’ गरिएको छ । भारतमा अहिलेसम्म ५ सय ११ जनामा कोरोना सङ्क्रमण भएको छ भने १० जनाको मृत्यु भएको छ ।
