आजदेखि टिम्स कार्ड वितरण बन्द, विदेशी पर्यटक पदयात्रामा जान नपाउने
नेपाल पर्यटन बोर्डले आजबाट पर्यटक सूचना व्यवस्थापन प्रणाली (टिम्स)कार्ड वितरण बन्द गरेको छ । यससँगै अब विदेशी नागरिकले नेपाली पदयात्रा मार्गमा पदयात्रामा जान नपाउने भएको हो ।
नेपालमा नेपाल पर्यटन बोर्ड र ट्रेकिङ एजेन्सीज एशोसिएशन अफ नेपाल (टान)ले टीम्स कार्ड वितरण गर्दै आएका छन्
पदयात्रा बन्द भएसँगै यसले पदयात्रा मार्गमा पर्ने सयौं होटेल तथा रिसोर्टको व्यापार ठप्प भएको छ । शुक्रबार नै नाम्चेका होटेल व्यवसायीले सबै होटेल तथा रेष्टुरेन्ट बन्द गर्ने निर्णय लिइसकेका छन् ।
नेपाल पर्यटन बोर्डले शुक्रबार सूचना जारी गर्दै टिम्स कार्ड वितरण अर्को सूचना जारी नभएसम्म बन्द गरिएको छ । नेपालमा पदयात्रामा जाने सबै विदेशीले टिम्स लिनुपर्छ ।
