एमाले कार्यालयमै बामदेवलाई ‘मधेस’ बारे अहिराजको कडा जवाफ
काठमाडौं– एमाले उपाध्यक्ष बामदेव गौतमले ‘मधेस’ शब्दको जन्म २०६३ सालपछि मात्रै भएको बताएका छन् । तर मधेसी बुद्धिजिवि डा. राजेश अहिराजले गौतमको भनाईलाई खण्डन गर्दै मधेसबारे चर्चापरिचर्चा २००८ सालदेखिनै हुन थालेको बताए । एमाले पार्टी कार्यालयमा मधेसको भ्रम र यथार्थ विषयक अन्तरक्रिया कार्यक्रममा गौतमले मधेसबारे टिप्पणी गरेपछि अहिराजले भने, ‘विसं २००८ सालमा कुलानन्द झा र देबानन्द झाले तराई कांग्रेस पार्टी खोलेका हुन् ।
त्यतिबेलैदेखि मधेस बारे चर्चा परिचर्चा सुरु भएको हो ।’ यसअघि बामदेवले भनेका थिए– ‘नेपालमा मधेसमा भन्ने शब्द ०६३ सालमा आएको हो । त्यो पहिले थिएन। ’
कार्यक्रममा गौतमले भने–
–उपेन्द्र यादवले मधेस आन्दोलन गरेका हुन् । पछि माओवादीको दवावमा मधेस भन्ने शब्द आएको हो । पहिले थिएन।
– मधेस आन्दोलन जनताको होइन । केहि मधेसीको मात्रै हो । त्यो गलत छ ।
–संघीयता पनि हाम्रो मोडेलको हुनुपर्ने तर भारत र अमेरिकाले आ–आफ्नो विषेशताको संविधान लाड्न खोजेका छन् ।
–जात र भाषाको आधारमा राज्य छुटाउने हो भने देश गृहयुद्धमा जान्छ । हाम्रै विषेशताको संघीयता चाहिन्छ ।
राजेश अहिराजले भने–
राष्ट्र र राज्य नस्लवादबाट जन्मियो भने त्यहाँ हिंसा हुन्छ ।
–अब मधेसी शब्द हट्दैन नेपालबाट । मधेसीले समानता चाहेका छन् ।
–उनले ऋत्तिक रोशन काण्ड आजकै दिन भएको स्मरण गर्दै त्यतिबेला पनि मधेसीलाई हेपिएको बताए ।
– त्यही काण्डबाट हामी नेपाली कि मधेसी भएको भन्ने विजारोपण भएको हो ।
–बस दुर्घटना हुन्छ भने चालकको दोष हुन्छ । अहिलेसम्म ३८ प्रधानमन्त्री भए तर मधेसका भएनन् । प्रम चालक हुन् । यहाँ पनि चालककै दोष भयो।
–उनले मधेसीलाई विखण्डनकारी भनिनु गलत भएको बताए । उनले मधेसका नागरिकले खोजेको के भन्ने राज्यले ठम्याउन नसकेको समेत बताए । उनले भने–उनीहरुले समानता खोजेको छन् । यसले देशकै हित हुन्छ ।
उनले माक्सवाद लेलिनबाद मान्न जात नचाहिने तर मधेसी बन्नचाहिँ जान चाहिने भन्दै आक्रोश समेत पोखे । रातोपाटीमा समाचार छ ।
