चीन, जापानसहित पाँच देशमा अन–अराइभल भिसा रोकियो
सरकारले कोरोना भाइरस (कोभिड(१९) अति प्रभावित पाँच मुलुकलाई अनअराइभल भिसामा रोक लगाएको छ ।
अध्यागमन विभागका अनुसार चीन, इरान, इटाली, कोरिया र जापानलाई अनराइभल भिसामा रोक लगाइएको हो ।
मन्त्रिपरिषद्को आइबारको बैठकले कोरोना संक्रमणबाट प्रभावित मुलुकको भिसा जारी गर्न कडाइ गर्न निर्देशन दिएको थियो । र, गृहमन्त्रालयले परराष्ट्र मन्त्रालयसँग समन्वय गरेर ती पाँच देशमा १० मार्चदेखि लागू हुने गरी अन(अराइभल भिसामा रोक लगाएको हो ।
अध्यागमन विभागले विज्ञप्तिमा उल्लेख गरेअनुसार अब ती मुलुकका नागरिक नेपाल आउन चाहे सम्बन्धित देशमा रहेका नेपाली दूतावास र नियोगमार्फत् भिसा आवदेन दिनसक्नेछन् । स्वास्थ्य परीक्षणको रिपोर्टलाई आधार मानेर सम्बन्धित निकायले भिसा दिन वा नदिन भनेर निर्णय गर्न सक्नेछन् ।
