अस्पताल जानुअघि नै प्रधानमन्त्रीलाई भेट्न बालुवाटार पुगे उपराष्ट्रपति पुन
काठमाडौं : प्रधानमन्त्री केपी शर्मा ओलीलाई भेट्न उपराष्ट्रपति नन्दकिशोर पुन बालुटार पुगेका छन् ।
मिर्गाैला प्रत्यारोपणको लागि आजै अस्पताल भर्ना हुने ओलीलाई अस्पताल जानुअघि नै भेट्न उपराष्ट्रपति पुन बालुवाटार पुगेका हुन् ।
प्रधानमन्त्रीको ओलीको मिर्गौला आगामी बुधबार दोस्रोपटक शिक्षण अस्पतालको कलेजो–मिर्गौला प्रत्यारोपण कक्षमा हुँदैछ।
त्यसको आवश्यक तयारीका लागि अन्य बिरामीलाई डिस्चार्ज दिइएको छ। बुधबार गरिने मिर्गौला प्रत्यारोपणका लागि चिकित्सकहरूले आवश्यक तयारी गरेका छन्। ओलीलाई भाञ्जी नाता पर्ने समीक्षा संग्रौला ज्ञवालीले मिर्गौला दिने भएकी छन्।
मिर्गौला दाता समीक्षाको सबै स्वास्थ्य परीक्षण भइसकेको छ। उनी मामा नाता पर्ने प्रधानमन्त्री ओलीलाई मिर्गौला दिनका लागि यसअघि नै तयार भइसकेकी थिइन्।
