अपडेट : मैनालीलाई हेलिकोप्टरमार्फत काठमाडौँ ल्याउने तयारी
बिहीबार दिउँसो झापाबाट काठमाडौं आउने क्रममा (माले)का महासचिव सीपी मैनाली चढेको गाडी दुर्घटनामा परेको छ।
महोत्तरीको बर्दिवास नगरपालिका ३ चिसापानीमा बा ४ च २१२० नम्बरको कार विपरीत दिशाबाट आएको ना४ख ७६६८ पिकअप भ्यानसँग ठोक्किदा उक्त दुर्घटना भएको हो ।
दुर्घटनमा मैनालीसहित ५ जना घाइते भएको र घाइते मध्ये मैनालीको अवस्था गम्भीर रहेको महोत्तरीका प्रमुख जिल्ला अधिकारी सूर्यबहादुर खत्रीले बताए।
दुर्घटनामा सोही कारमा सवार मैनालीका छोरा सरोज मैनाली, बुहारी पूजा मैनाली, नाति पीएन मैनाली र चालक रामप्रसाद पौडेल पनि घाइते भएका छन्।
दुर्घटना लगत्तै महासचिव मैनालीसहितका घाइतेहरुलाई उपचारका लागि बर्दिवासमा रहेको जनसेवा अस्पतालमा पु¥याइएको थियो।
दुर्घटनामा मैनालीको टाउको, निधार छातीमा चोट लागेको र खुट्टा फ्याक्चर भएको भएको प्रजिअ खत्रीले बताए ।
खत्रीले महासचिव मैनालीलाई थप उपचारका लागि काठमाडौँ लैजाने तयारी भैरहेको र गृहमनत्रालयसँग अनुरोध गरेर हेलिकोप्टर मगाएको बताए ।
