२ दिन देखि घटेको सुनको भाउ पुन: बढ्यो
२ दिन देखि लगातार बजारमा घटेको सुनको भाउ पुन फेरी बढेको छ । नेपाली बजारमा बिहीबार तोलामा २ सय रुपैयाँले बढेको छ ।
सुन बिहीबार तोलाको ७९ हजार ७ सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।
बुधबार तोलामा ५ सय रुपैयाँ घटेर सुन तोलाको ७९ हजार ५ सय रुपैयाँ थियो । सुनको भाउ बढे पनि चाँदीको भाउ बिहीबार तोलामा ५ रुपैयाँ घटेको छ ।
चाँदी बिहीबार तोलाको ९ सय रुपैयाँमा कारोबार भइरहेको छ ।
