प्रधानमन्त्रीलाई कालो झन्डा देखाउन खोज्ने ४ जना पक्राउ
पोखरा : पोखरामा प्रधानमन्त्री केपी शर्मा ओलीलाई कालो झण्डा देखाउने तयारी गर्दै नाराबाजी गरिरहेका ४ विद्यार्थी पक्राउ परेका छन् ।
समाजवादी पार्टी निकट समाजवादी विद्यार्थी युनियनका विद्यार्थी पोखरा सभागृह गेटबाहिर कालो झन्डा देखाउने तयारी गर्दै नाराबाजी गरिरहेका बेला पक्राउ परेका हुन् ।
पक्राउ पर्नेमा सभागृह गेटमा नाराबाजी गरिरहेका समाजवादी विद्यार्थीका उपाध्यक्ष नेत्र चापागाईं, रेशम सापकोटालगायत ४ जनारहेका छन् ।
नेकपा गण्डकी प्रदेशस्तरीय प्रशिक्षण कार्यक्रमलाई सम्बोधन गर्न प्रधानमन्त्री ओलीलगायत नेता पोखरा सभागृहमा पुगेका थिए ।
