एमसीसी अध्ययन कार्यदलद्धारा शुक्रबार अन्तिम प्रतिवेदन बुझाउँदै
सत्तारुढ दल नेकपाको केन्द्रीय समिति बैठकले एमसीसीको बिषयमा अध्ययन गर्नको लागि गठन गरेको कार्यदले शुक्रबार अन्तिम प्रतिवेदन बुझाउने भएको छ ।
एमसीसीका विषयमा सत्तारुढ दलभित्र चर्को विरोध भएपछि केन्द्रीर्य समिति बैठकले अध्ययन अध्ययनगठन गर्ने निर्णय गरेको थियो ।
कार्यदलमा रावलसँगै परराष्ट्रमन्त्री प्रदीप ज्ञवाली र झलनाथ खनाल सदस्य रहेका छन् । सोही निर्णयअनुसार गठन भएको कार्यदलले एमसीसीका विषयमा अध्ययन गरिहको छ ।
उक्तकार्यदलका सदस्य रहेका भीम रावलले अध्ययन अन्तिम चरणमा पुगेको र प्रतिवेदन बुझाउने विषयमा शुक्रबार टुंगो लाग्ने बताएका छन् ।
बिहीबारको बैठकमा प्रतिवेदन अगाडि बढाउने विषयमा छलफल भएको बताउँदै रावलले भने, ‘आजको बैठकबाट अन्तिम रुप दिने निर्णय भएको छ । अन्तिम रुप दिएर बुझाउने प्रकृयामा हामी छौं । भोलिसम्म प्रकृया पूरा गर्छ होला ।’
यसअघि हिजो परराष्ट्रमन्त्री ज्ञवालीले कार्यदलले सुझाव सहितको प्रतिवेदन पेश गर्ने तर संसदबाट पारित गर्ने नगर्ने भन्ने विषयमा कुनै निर्णय नगर्ने बताएको थियो ।
