थ्रीस्टारले च्यासल युथ क्लबलाई २–० गोलले हरायो
सहिद स्मारक ‘ए’ डिभिजन लिग अन्तर्गत भएको पाटन डर्बीमा ललितपुरको क्लब थ्रीस्टारले २ गोल गरि आजको खेल जित्न पुगेका छ ।
एन्फा कम्प्लेक्स मैदान सातदोवाटोमा शुक्रबार भएको खेलमा थ्रीस्टारले ललितपुरकै च्यासल युथ क्लबलाई २–० गोलले हराएको छ ।
थ्रीस्टारको जितमा भारतीय खेलाडी लाल रामाम्भ्रा र अनन्त तामाङले गोल गरे । थ्रीस्टारले दुवै गोल दोस्रो हाफमा गरेको थियो ।
७०औँ मिनेटमा लाल राम्मव्राले हेड गोल गर्दै थ्री स्टारलाई सुरुवाती अग्रता दिलाए । उनले निशान खड्काको फ्रिकिक पासमा हेड गोल गरेका थिए । दोस्रो हाफको इन्जुरी समयमा अनन्तले पेनाल्टीमा गोल गर्दै थ्रीस्टारलाई सजिलै जिताए ।
डि–बक्सभित्र च्यासलका छिरिङ गुरुङले लाल रामाम्भ्रालाई फल हानेपछि थ्रीस्टारले पेनाल्टी पाएको थियो ।
लाल रामाम्भ्रा म्यान अफ दी म्याच भएका छने भने उनले १० हजार रुपैयाँ पुरस्कार पाएका छन् ।
यो जितसँगै २६ अंक बनाएर थ्रीस्टार तेस्रो स्थान रहेको छ । अन्तिम खेलको हारसँगै १५ अंक बनाएको च्यासल आठौँ स्थानमा रएको छ ।
