मुना कार्की हत्या प्रकरण : तेस्रो व्यक्तिको संलग्नता देखिएन
पूर्वसचिव अर्जुन कार्की पत्नी मुना कार्कीको हत्या आवेशबाट भएको खुलेको छ । सानेपास्थित आफ्नै घरमा काम गर्ने दाङका विजय चौधरीले प्लास्टिकको पिक्काले हानेर मुनाको हत्या गरेको प्रारम्भिक अनुसन्धानबाटै खुल्न आएको प्रहरीले जनाएको छ ।
प्रहरीले हत्यालाई चौधरीको क्षणिक आवेशको परिणामका रूपमा विश्लेषण गरेको छ ।
महानगरीय प्रहरी कार्यालय रानीपोखरीका अनुसार हालसम्मको अनुसन्धानबाट हत्यामा तेस्रो व्यक्तिको संलग्नता देखिएको छैन । राजधानी दैनिकमा खबर छ ।
