पूर्वसचिव पत्नीको हत्यामा कामदारकै संग्लग्नता, सीसीटीभी फुटेजमा देखियो पिटेको दृश्य
काठमाडौं : ललितपुरको सानेपास्थित पूर्वसचिव अर्जुन कार्कीकी श्रीमती मुनाको मृत्युहुनुको रहस्मय कारण खुलेको छ । प्रहरीले कार्की निवासमा जडान गरिएको.सीसीटीभीको फुटेज हेरेर पत्नी मुना कार्कीको हत्यामा कामदारकै संलग्नता रहेको निष्कर्ष निकालेको हो ।
कार्कीको घरमा कार्यरत कामदार विजय चौधरीले मुनाको हत्यापछि आफूले पनि झुण्डिएर आत्महत्या गरेको प्रहरीको भनाइ छ । ‘फुटेजमा चौधरीले महिलालाई घाँटीमा समातेर घिसार्दै लगेको देखिन्छ ।’ एक अनुसन्धान अधिकृतले बताए । उनका अनुसार यो दृश्य बिहान ९ बजेको हो ।
भान्छा छेऊ रहेको क्लोज सर्किट (सीसी) क्यामराको दृश्य हेरेपछि अनुसन्धान अधिकृत चौधरीले नै हत्या गरेको निष्कर्षमा प्रहरीहरु पुगेका छन् । प्रहरीले हत्याको कारण खोज्दै विभिन्न व्यक्तिसँग वयान लिने क्रम जारी राखेको छ । छिमेकीका अनुसार चौधरीलाई कार्की परिवारले सानैदेखि घरमा राखेको थियो ।
