दोस्रो गढी अध्यक्ष कपको उपाधी गढी १ मधेलीलाइ
सुनसरीको गढी गाउँपालिका औराबनीमा जारी दोस्रो गढी अध्यक्ष कप फुटबल प्रतियोगीताको बिहिबार भएको फाइनल खेलमा गढी गाउँपालिका वडा नम्बर १ मधेलिले गढी ३ छिटाहालाइ ट्राइबेकरको सडेन डेथ समयमा ८–७ गोल अन्तरले पछि पार्दै उपाधि चुमेको छ ।
खेलको निर्धारित समय सम्म अत्यन्तै प्रतिस्पर्धात्मक खेल भएपनि दुबै तर्फ कुनै गोल न भइ बराबरी भएको थियो । खेलको उत्कृष्ट गढी ३ छिटाहाका गोल रक्षक अनिस चौधरी घोषित भए। उनलाई नगद ५ सय सहित पदक प्रदान गरियो । प्रतियोगितामा प्रथम हुने मधेलीले उपाधी सहित ३१ हजार नगद र दोस्रो हुने छिटाहाले २१ हजार नगद प्राप्त गरे ।
