सभामुख सापकोटाको शपथ रोक्न माग गर्ने १२ अधिकारकर्मी पक्राउ
सभामुखमा निर्वाचित अग्नि सापकोटालाई शपथ ग्रहण नगराउन माग गर्दै प्रदर्शन गरिरहेका १२ जना अधिकारकर्मी काठमाडौंबाट पक्राउ परेका छन् ।
पक्राउ पर्नेमा मानवअधिकारकर्मी चरण प्रसाईं, पूर्णिमाया लामा, इन्द्र अर्याल, राजन कुइँकेल, महामुनिश्वर आचार्य, जनक राउतलगायत छन् । उनीहरूलाई महाराजगञ्ज प्रहरीमा राखिएको छ ।
उनीहरूलाई राष्ट्रपति कार्यालय शीतल निवास अगाडि प्रदर्शन गर्दै गर्दा प्रहरीले नियन्त्रणमा लिएको हो । केही बेरमा सभामुख सापकोटाले राष्ट्रपतिबाट पद तथा गोपनीयताको शपथ ग्रहण गर्दैछन् ।
अधिकारकर्मीहरुले हत्याका आरोपित व्यक्तिलाई सभामुखलाई शपथ ग्रहण नगराउन माग गरेका छन् ।
