नेपाल–भारत एकीकृत जाँच आईसीपीको उद्घाटन हुँदै, दुवै देशका प्रधानमन्त्री भिडियो कन्फ्रेन्समा जोडिने
नेपाल–भारत एकीकृत जाँच भन्सार विन्दु आईसीपीको आज दुवै देशका प्रधानमन्त्रीमार्फत उद्घाटन हुने भएको छ । मोरङको बुधनगरमा निर्माण सम्पन्न भयसँगै दुवै देशका प्रधानमन्त्रीमार्फत उद्घाटन हुने भएको हो । आईसीपी र निजी आवास हस्तान्तरण हुने बताइएको छ । जस्को लागि नेपालका प्रधानमन्त्री केपी शर्मा ओली र भारतीय प्रधानमन्त्री नरेन्द्र मोदी भिडियो कन्फ्रेन्समा जोडिने छन् ।
भिडियो कन्फ्रेन्समार्फत बिहान ११ बजे प्रधानमन्त्री ओलीले सिंहदरबारबाट र भारतीय प्रधानमन्त्री मोदीले नयाँदिल्लीबाट संयुक्त रूपमा आईसीपीको उद्घाटन गर्ने बताइउको छ ।
आयात तथा निर्यात पारवहन सहज बनाउन विराटनगर महानगरपालिका –१८ मा आईसीपी निर्माण गरिएको हो । आईसिपी सञ्चालनसँगै आयात–निर्यात सहज हुने ठानिएको छ ।नेपालतर्फ ८ सय ५० मिटर लम्बाइ र ५ सय मिटर चौडाइमा फैलिएको आईसीपी १२९ बिघा क्षेत्रफलमा फैलिएको छ ।
यसमध्ये ४० विघामा ४३२० मिटर लामो चार लेनको कालोपत्रे सडक निर्माणको गरिएको छ । लिंकरोडलाई व्यापारिक मार्ग रानीदेखि धरानसम्मको ४९ किलोमिटरको उत्तररदक्षिणी राजमार्गसँग जोडिएको छ ।भारतीय सहयोगमा पुनर्निर्माण भएका निजी आवास गृहहरू हस्तान्तरण हुने आजै भएको छ ।
