पाप मेटाउन भन्दै बलात्कार गर्ने क्रिस्चियन चर्चका पास्टर जोशी पक्राउ
‘रोग र पाप मेट्ने’ विश्वास दिलाउँदै एक युवतीलाई यौन सम्पर्क गर्न दबाब दिएको आरोपमा प्रहरीले चर्चका पास्टरलाई पक्राउ गरेको छ ।
विश्वासका साथ आशा विश्वासी मण्डली’ चर्चका विश्वास जोशी भनिने ध्रुवबाबु जोशीलाई प्रहरीले पक्राउ गरेको हो ।
पीडित युवतीले प्रहरीमा जाहेरी दिएपछि महानगरीय प्रहरी परिसर ललितपुरले जोशीलाई नियन्त्रणमा लिएको हो । पीडितले जाहेरीमा ‘पाप मेटाउन तिमीले मसँग शारीरिक सम्पर्क गर्नुपर्छ’ भनी पटक–पटक जबरजस्ती करणी गरेको उल्लेख गरेकी छन् ।
शारीरिक सम्पर्क गरेको कुरा ल्याए परमेश्वरको शक्तिले नाश गर्ने भन्दै धम्क्याएको व्यहोरा पीडितको जाहेरीमा उल्लेख छ । जाहेरीमा जोशीले जबरजस्ती करणी गरेको पीडितले उल्लेख गरेकी छन् । आजको अन्नपूर्ण पोस्ट दैनिकमा समाचार छ ।
