दुहबी ११ मेयर कपको सेमिफाइनलमा
सुनसरीको दुहबीमा जारी दोस्रो मेयर कप फुटबल प्रतियोगिता अन्तरगत शनिबार भएको दोस्रो क्वाटर फाइनल खेलमा दुहबी वडा नम्वर ११ ले दुहबी वडा नम्वर २ लाइ १–० गोल अन्तरले पाखा लगाउँदै सेमिफाइनलमा प्रवेश गरेको छ ।
दुहबी ११ का खेलाडी इन्द्र कुमार उराँवले खेलको दोस्रो हाफ पछिको ७४ औं मिनेट्मा १ गोल गर्दै आफ्नो टिम दुहबी ११ लाई बिजय बनाएको हो । खेलको उत्कृष्ट खेलाडी दुहबी वडा नम्वर ११ का खेलाडी इन्द्र कुमार उराँवलाइ दुहबी २ का वडाध्यक्ष अरबिन्द बिश्वासले नगद १ हजार सहित मेडल प्रदान गर्नुभयो ।
दुहबी नगर पालिकाको आयोजना तथा एलेभेन एरोज क्लब दुहबीको संयोजनमा हुने आइतबारको तेस्रो क्वाटर फाइनल खेल दुहबी वडा नम्बर १ र वडा नम्बर ४ का बिच हुने छ । प्रतियोगिताको बिजेताले मेयरकपको उपाधी सहित १ लाख र उप बिजेताले ५० हजार पाउने छन ।
