मेयर कपको सेमिफाइनलमा दुहबी वडा नम्बर १०
प्रदेश एक स्थित सुनसरीको दुहबीमा जारी दोस्रो मेयर कप फुटबल प्रतियोगिता अन्तरगत शुक्रबार भएको पहिलो क्वाटर फाइनल खेलमा दुहबी वडा नम्वर १० ले दुहबी वडा नम्वर ८ लाइ ट्राइबेकरको सडेन डेथ समयमा मा ४–३ गोल अन्तरले पाखा लगाउँदै सेमिफाइनलमा प्रवेश गरेको छ ।
खेलको निर्धारित समय सम्म दुबै तर्फवाट गोल न भएपछि ट्राइबेकरको सडेन डेथ समयमा दुहबी १० बिजय भएको
हो । खेलको उत्कृष्ट खेलाडी दुहबी वडा नम्वर १० का गोल रक्षक राम कुमार चौधरीलाइ दुहबी ८ का वडाध्यक्ष तारिकचन्द सरदारले नगद १ हजार सहित मेडल प्रदान
गर्नुभयो ।
दुहबी नगर पालिकाको आयोजना तथा एलेभेन एरोज क्लब दुहबीको संयोजनमा हुने शनिबारको दोस्रो क्वाटर फाइनल खेल दुहबी वडा नम्बर २ र वडा नम्बर ११ का बिच हुने छ ।
