भाउजूलाई ढुङ्गा प्रहार गरी घाइते बनाएको अभियोगमा देवर पक्राउ
मोरङ : सामान्य घरायसी बिवाद हुँदा आफ्नै भाउजुलाई ढुङ्गा प्रहार गरी गम्भीर घाइते बनाएको अभियोगमा देवर पक्राउ परेका छन् ।
जिल्लाको बेलबारी नगरपालिका-७ केराटोल बस्ने ४० वर्षीय जगतबहादुर परियारलाई बिहीबार दिउँसो प्रहरीले पक्राउ गरेको हो ।
सामान्य घरायसी बिवाद हुँदा जगतबहादुरले आफ्नै ३५ वर्षीया भाउजुलाई ढुङ्गा प्रहार गरी गम्भीर घाइते बनाएको भन्ने खबर प्राप्त हुनासाथ प्रहरी चौकी बाहुनीबाट खटिएको प्रहरीले उनलाई पक्राउ गरेको हो ।
घाइतेलाई उपचारको लागि न्यूरो अस्पताल विराटनगरतर्फ पठाइएको छ । यस सम्बन्धमा प्रहरीले थप अनुसन्धान गरिरहेको छ
