मेयरकै नेतृत्वमा जनकपुरमा पत्रकारमाथि हातपात, एक दर्जन पत्रकार घाइते
प्रदेश २ स्थित जनकपुर उपमहानगरपालिकाको कार्यालयमा पत्रकारहरुमाथि कुटपिट भएको छ ।
मेयर लाक किशोर साहकै नेतृत्वमा पत्रकार महासंघका अध्यक्ष अनिल मिश्र, देशसञ्चार संवाददाता राजा झा, कान्तिपुर दैनिकका संवाददाता अमरकात्न ठाकुरसहित १२ जना जति पत्रकारहरुमाथि कुटपिट भएको हो ।
कुटपिटबाट कान्तिपुर दैनिकका संवाददाता ठाकुरलाई चोट लागेको छ । मेयर र उनका सहयोगीहरुले पत्रकारमाथि हेल्मेटले आक्रमण गरेका थिए ।
‘पत्रकारहरु मेयरको भनाई लिन उनको चेम्वरमा गएका थियौँ, अचानक आक्रमण भयो, मलाई पनि हेल्मेटले चोट लागेको छ’, देशसञ्चार डटकमका जनकपुर संवाददाता राजा झाले भने ।
