दुनियाँमा निकै चर्चित मोडल एवं गायिका जग्गीको मृत्यु, घरको किचनमा भेटियो शव
टेलिभिजनको दुनियाँमा निकै चर्चित एवं सेलिब्रिटी शेफ जग्गी जोनको निधन भएको छ । उनको शव केरलको राजधानी तिरुवनन्तपुरममा सोमबार बेलुकी ४ बजे उनको घरमा भेटिएको छ ।
जग्गीको शव उनको घरको किचनमा भेटिएको भारतीय संचार माध्यमले बताएका छन् । उनका एक साथी उनको घर जाँदा उनको शव देखेपछि यसको तत्काल जानकारी पुलिसलाई दिएका थिए ।
पुलिसले मृत्युको कारणबारे पत्ता लगाउने कोसिस भइरहेको बताएका छन् । शरीरमा कुनै चिन्ह नभएकोले उनको मृत्यु कसरी भयो भनेर पत्ता लाग्न नसकेको पुलिसले बताए ।
पोष्टमर्टम पछि मात्रै उनको मृत्युको कारण थाहा पाइने बताइएको छ । स्मरण रहोस्, जग्गी जोन चर्चित मलयालम टिभी शो ‘शेफ मास्टर’ की कार्यक्रम प्रस्तोता र निर्णायक थिइन् । यसबाहेक उनी मोडल एवं गायिका पनि थिइन् । जग्गीको जन्म साउदी अरबको जेद्दामा भएको थियो भने उनले इंगल्याण्ड, भारत र अमेरिकामा पढेकी छिन् । उनी आफ्नो आमासँग त्यही घरमा बसिरहेकी थिइन् जहाँ उनको शव भेटिएको थियो ।
