रौतहटको चन्द्रपुरमा दुईवटा शव फेलापर्यो, पहिचान खुल्न सकेन
रौतहट : रौतहटको पूर्व–पश्चिम महेन्द्र राजमार्गसँग जोडिएको चन्द्रपुरमा दुुईवटा शव बरामद भएको छ ।चन्द्रपुरस्थित बजारमा एकजना र मुनलाइट स्कुलको अगाडी एकजना गरी दुुई जनाको शव बरामद भएको प्रहरीले जनाएको हो ।
बजारक्षेत्रमा फेलापरेको शव कुनै सवारी साधनको ठक्करबाट मृत्युु भएको व्यक्तिको हुनसक्ने अनुमान रहेको जिल्ला प्रहरी कार्यालय रौतहटले जनाएको छ । अन्दाजी ३०-३५ वर्षको देखिने शवको पहिचान भन्ने खुल्न सकेको छैन ।
त्यसैगरी मुनलाइट स्कुल अगाडीको शव मगन्तेको रहेको ईलाका प्रहरी कार्यालय चन्द्रपुरका प्रमुख डिएसपी कबित कटवालले जनाएका छन् । शव पोष्टमार्टमको लागि प्राथमिक स्वास्थ केन्द्र चन्द्रनिगाहपुरमा पठाइएको ईलाका प्रहरी कार्यालय चन्द्रपुरले जनाएको छ ।
