पदक जित्ने खेलाडीका लागि प्रोत्साहन प्याकेज घोषणा गरिदै
प्रधानमन्त्री केपी शर्मा ओलीले आज दिउँसो तेहौँ दक्षिण एसियाली खेलकुद (साग) मा पदक जित्ने खेलाडीलाई सम्बोधन गर्ने भएका छन्।
दिउँसो सवा २ बजे विजेता खेलाडीलाई बधाइ दिन तथा सम्बोधनका लागि प्रधानमन्त्रीले बालुवाटार आमन्त्रण गरेका प्रधानमन्त्रीका प्रेस सल्लाहकार सूर्य थापाले जानकारी दिए।
१३ औं सागमा नेपालले ५१ स्वर्ण जितेको छ।
‘सागमा स्वर्ण, रजत र कास्य पदक विजेता नेपाली खेलाडीलाई बधाई दिन प्रधानमन्त्री ओलीले बालुवाटार आमन्त्रण गर्नुभएको छ,’ थापाले भने, ‘राष्ट्रको प्रतिष्ठा र गौरव बढाउने खेलाडीहरूको सम्मानमा उहाँले संबोधन गर्नुहुनेछ।’
संवोधनका क्रममा प्रधानमन्त्री ओलीले खेलाडीलाई प्रोत्साहन प्याकेजकोसमेत घोषणा गर्ने बताइएको छ।
