साग अन्तर्गत आज भएको पुरुष क्रिकेटमा माल्दिभ्सले दियो नेपाललाई ९५ रनको लक्ष्य
पुरुष क्रिकेटमा नेपाललाई माल्दिभ्सले सामान्य लक्ष्य दिएको छ । १३ औं दक्षिण एसियाली खेलकुद सागअन्तर्गत आज भएको पुरुष क्रिकेटमा कास्य पदकको लागि माल्दिभ्सले नेपाललाई ९५ रनको लक्ष्य दिएको हो ।
टस हारेर पहिले ब्याटिङको निम्तो पाएको माल्दिभ्सले २० ओभरमा ९ विकेट गुमाएर ९४ रन मात्र बनाउन सक्यो । खेल किर्तिपुरस्थित टियु क्रिकेट मैदानमा आज बिहान भएको हो ।
बलिङतर्फ नेपालका ललित नारायण राजवंशीले ३ तथा सुशन भारीले २ विकेट लिए ।माल्दिभ्सका लागि लिम साफेगले अविजित १९ जोडे । त्यस्तै, मोहमद रिसवानले १७, कप्तान मोहमद माफोजले १६ तथा अमिल माउरुफले १३ रन बनाए ।
