सुनको मूल्य आज पनि घट्यो
काठमाडौँ : साताको चौथो दिन बुधबार पनि सुनको मूल्यमा सामान्य गिरावट आएको छ ।
नेपाल सुनचाँदी व्यवसायी महासंघका अनुसार छापावाला सुनको मूल्य तोलामा ६ सय रुपैयाँले घटेर ७० हजार दुई सय रुपैयाँमा कारोबार भइरहेको छ।
मंगलबार छापावाला सुनको मूल्य तोलामा ७० हजार आठ सय रुपैयाँमा कारोबार भएको थियो।
यस्तै तेजाबी सुनको मूल्य तोलामा छ सय रुपैयाँले घटेर ६९ हजार नौ सय रुपैयाँमा कारोबार भइरहेको छ भने मंगलबार ७० हजार पाँच सय रुपैयाँमा कारोबार भएको थियो।
