आज शुक्रबार सुनको मूल्य तोलामा ६ सय रुपैयाँले वृद्धि
काठमाडौँ : आज साताको छैठौँ दिन शुक्रबार सुनको मूल्य बढेको छ ।
नेपाल सुन चाँदी व्यवसायी महासंघका अनुसार बिहीबार ७० हजार ४ सय रुपैयाँमा कारोबार भएको सुनको मूल्य शुक्रबार तोलामा ६ सय रुपैयाँले बढेर ७१ हजार रुपैयाँमा कारोबार भइरहेको छ ।
यस्तै, तेजावी सुनको मूल्य ७० हजार ७ सय रुपैयाँमा कारोबार भइरहेको छ भने चाँदी आज तोलाको ८६० रुपैयाँमा कारोबार भइरहेको महासंघले जनाएको छ ।
