कपिलवस्तुस्थित नेपाल फेब्रिक इष्ड्रष्टिजमा भिषण आगलागी
काठमाडौं : मंगलबार मध्यरात विद्युत सर्ट भएर कपिलवस्तु जिल्लाको वाणगंगा नगरपालिकास्थित एक उद्योगमा आगलागी भएको छ ।
आगलागीबाट ४ करोडको क्षति भएको उद्योग सञ्चालकले जनाएका छन् । उद्योगमा आगलागी भएपछि वाणगंगा नगरपालिका र कपिलवस्तु नगरपालिकाको दमकल बोलाइएको थियो ।
यद्यपि आगो नियन्त्रणमा लिन नसक्दा उद्योगमा ठूलो क्षति भएको बताइएको छ । आगालागीबाट भएको क्षतिबारे इलाका प्रहरी कार्यालय पिपराले विवरण संकलन गर्न लागेको इलाका प्रहरी कार्यालय पिपराका प्रहरी निरीक्षक आयुशकुमार जोसीले जानकारी दिए । घटनाको वितृत विवरण आउन भने बाँकी छ ।
