Logo
२१ चैत्र २०८१, शुक्रबार
(April 2, 2025)

‘सामाजिक उत्तरदायित्वका लागि पत्रकारिता’

मेडिकल सहायतासहितको नेपाली सेनाको टोली म्यानमार प्रस्थान

काठमाडौँ । नेपाली सेनाको मेडिकल सहायतासहितको टोली म्यानमार प्रस्थान गरेको छ । चैत १५ गते गएको भूकम्पबाट प्रभावित भएको म्यानमारलाई सघाउन नेपाली सेनाको २२ सदस्यीय टोली त्यसतर्फ प्रस्थान गरेको हो ।

सोमबार बसेको मन्त्रीपरिषद बैठकले  म्यानमारलाई सहयोग गर्ने निर्णय गरेको थियो । जसमा घाइतेहरूको उपचारका लागि नेपाली सेनाको चिकित्सक टोली सेनाकै जहाजमार्फत म्यानमार पठाइने निर्णय गरेको थियो । सोही निर्णयबमोजिम बुधबार नेपाली सेनाको मेडिकल टिम त्यसतर्फ प्रस्थान गरेको हो ।

सेनाले विभिन्न प्रकृतिका आवश्यक औषधि एवं ईक्युप्मेन्टहरु सहित उक्त टोलीमा सर्जन, अर्थोपेडिक, मेडिसिन चिकित्सक, नर्स तथा प्यारामेडिकहरु पठाएको जनाएको छ ।
गत शुक्रबार म्यानमारको राजधानी नापिडो आसपास केन्द्रबिन्दु बनाएर ७.७ म्याग्निच्युडको भुकम्प गएको थियो ।

प्रकाशित मिति: Apr 2, 2025

प्रतिक्रिया दिनुहोस्