अमेरिकामा हजारौं सरकारी कर्मचारीले जागिर गुमाउँदै, गेटमै रोकिए
२० चैत, काठमाडौं । अमेरिकामा संघीय स्वास्थ्य कर्मचारीहरूको कटौती सुरु भएको छ। कर्मचारी कटौती बारे निर्णय कतिपय कर्मचारीहरू कार्यालय परिसर पुगेपछि मात्र थाहा पाएका थिए ।
जब मंगलबार कर्मचारीहरू कामका लागि कार्यालय पुगे, तब उनीहरूलाई कार्यालयको गेटमै रोकिएको थियो ।
बीबीसीका अनुसार कर्मचारी कटौतीमा कतिपय उच्च अधिकारीहरू पनि परेका छन् ।
अमेरिकी स्वास्थ्य मन्त्री रोबर्ट एफ. क्यानेडी जुनियरले गत हप्ता नै १० हजार कर्मचारीहरूलाई जागिरबाट निकाल्ने घोषणा गरेका थिए।
