रेविका खत्रीको लागि न्याय माग्दै विद्यार्थीको प्रदर्शन (तस्विरहरु)
काठमाडौँ । राजावादी पक्षधरको आन्दोलनमा गोली लागेर घाइते भएकी रेविका खत्रीको लागि न्याय माग्दै कोटेश्वर बहुमुखी क्याम्पसका विद्यार्थीले प्रदर्शन गरेका छन् ।
चैत १५ गते भएको राजावादी पक्षधरको आन्दोलनमा प्रहरीले चलाएको गोली लागेर कोटेश्वर बहुमुखी क्याम्पसका बिबिएस तेस्रो वर्षमा अध्ययनरत विद्यार्थी रेविका खत्री घाइते भएकी छिन् । १५ गतेको आन्दोलनमा आफ्नै निवास नजिक गोली लागेको उनको हाल अस्पतालमा आइसीयुमा उपचार भइरहेको छ।
उनको न्यायको लागि र दोषीलाई कडाभन्दा कडाई कारबाही माग राखी कोटेश्वर बहुमुखी क्याम्पसका विद्यार्थीहरूले आज प्रदर्शन गरेका छन्।
