स्वर्गीय बोहराको पार्थिव शरीर भैरहवा लगिने, काठमाडौँ ल्याएर भोलि अन्त्येष्टि
काठमाडौँ । मंगलबार निधन राष्ट्रिय प्रजातन्त्र पार्टी (राप्रपा)का वरिष्ठ नेता दीपक बोहराको पार्थिव शरीर श्रद्धाञ्जलीका लागि आजै गृहनगर भैरहवा लगिने भएको छ । हेलिकप्टरबाट उनको पार्थिव शरीर श्रद्धाञ्जलीका लागि भैरहवा लगिने भएको राप्रपाका प्रवक्ता मोहन श्रेष्ठले जानकारी दिए ।
त्यहाँ शुभेच्छुक र आफन्तले श्रद्धाञ्जली अर्पण गरेपछि उनको पार्थिव फेरि आज नै काठमाडौँ ल्याइने उनको भनाइ छ ।
उनको पार्थिव शरीर श्रद्धाञ्जलीका लागि बुधबार पार्टी कार्यालय धम्बाराहीमा राखिनेछ । त्यसपछि शुक्रबार नै पशुपति आर्यघाटमा अन्तिम संस्कार गर्ने कार्यक्रम रहेको श्रेष्ठले बताए ।
लामो समयदेखि बिरामी पूर्वमन्त्री तथा प्रतिनिधिसभा सदस्य उनको मंगलबार बिहान राजधानीको चाबहिलस्थित ओम अस्पतालमा उपचारका क्रममा निधन भएको थियो ।
