प्रतिनिधिसभाबाट सांसद दीपक बोहराको निधनप्रति शोक प्रस्ताव पारित
काठमाडौं, १९ चैत । प्रतिनिधि सभाबाट राष्ट्रिय प्रजातन्त्र पार्टी (राप्रपा) का नेता एवं सांसद दीपक बोहराको निधनप्रति शोक प्रस्ताव पारित भएको छ । राप्रपाका वरिष्ठ नेता एवं पूर्वमन्त्री बोहराको उपचारको क्रममा काठमाडौंको ओम अस्पतालमा निधन भएको थियो । बोहरा गएको संघीय निर्वाचनमा रुपन्देही–३ बाट निर्वाचित भएका थिए।
प्रतिनिधि सभाका सभामुख देवराज घिमिरेले शोक प्रस्ताव सर्वसम्मतीले पारित गरेको घोषणा गरे । संसद्हरुले स्वर्गीय बोहराको आत्माको चीर शान्तिको कामना गर्दै एक मिनेट मौनधारण समेत गरेका थिए ।
