संसद्मा राप्रपाको हो-हल्ला, सत्तापक्षको प्रतिवाद (तस्वीरहरू)
१८ चैत, काठमाडौं । प्रधानमन्त्री केपी शर्मा ओलीले सम्बोधन गरेसँगै प्रतिनिधिसभा बैठक सुरु भएको छ ।
गत १३ चैतदेखि अवरुद्ध संसद् चल्नका लागि प्रधानमन्त्रीले जवाफ दिनुपर्ने विपक्षीहरूको माग थियो । सोही माग राखेर निरन्तर अवरोध भइरहेको संसद् बैठक सोमबारबाट चलेको छ ।
प्रधानमन्त्री ओलीले सोमबार प्रतिनिधिसभा बैठकमा आफ्नो थाइल्याण्ड भ्रमण, समसामयिक विषय र विद्युत् प्राधिकरणका कार्यकारी निर्देशक पदबाट कुलमान घिसिङलाई हटाएकोबारे जवाफ दिएका छन् ।
प्रधानमन्त्री ओलीले जवाफ दिने क्रममा राष्ट्रिय प्रजातन्त्र पार्टी (राप्रपा) ले आपत्ति जनाएको थियो । केहीबेर संसद्मा होहल्ला समेत भएको थियो ।
राप्रपाले पूर्वराजा ज्ञानेन्द्र शाहको स्वागतबारे प्रधानमन्त्रीले सम्बोधनको क्रममा बोलेका शब्दहरू रेकर्डबाट हटाउन माग गरेका थिए ।
लगत्तै प्रधानमन्त्री बोल्दैगर्दा राप्रपाले अवरोध गरेको भन्दै सत्तारुढ दल नेकपा एमाले र नेपाली कांग्रेसका सांसदहरूले प्रतिवाद गरेका थिए ।
लगत्तै अहिले संसद्को कार्यसूची अघि बढेको छ ।
