विश्वप्रकाशको प्रश्न– गद्दीमा थिए भने ज्ञानेन्द्र महाराजबाट के अवस्था बन्थ्यो होला ?
नेपाली कांग्रेसका सांसद विश्वप्रकाश शर्माले पूर्वराजा ज्ञानेन्द्र शाहसँग संवैधानिक राजा बनेर बस्ने चरित्र नभएको बताएका छन् । सोमबार प्रतिनिधिसभाको बैठकको विशेष समयमा उनले संवैधानिक राजतन्त्रको भ्रमबाट मुक्त हुनुपर्ने बताए ।
‘नेपालको संवैधानिक राजसंस्था भनेर बस्न सक्ने क्षमता योग्यता चरित्र छैन । आज यति मात्र सामान्य रूपमा ख्याल गरौँ न, नागार्जुनको जंगलमा लगेर सामान्य नागरिक बनाएर राखिदिँदा तौरतरिका र चरित्र यो छ भने गद्दीमा थिए भने ज्ञानेन्द्र महाराजबाट के अवस्था बन्थ्यो होला ? देशको सामुन्ने लोकतन्त्रका लागि कस्तो अवस्था हुन्थ्यो होला ? संवैधानिक भएर राजा बस्न सक्छन् भन्ने भ्रमबाट मुक्त हुनुपर्छ,’ उनले भने ।
