म्यानमारमा ७.७ म्याग्निच्युडको भूकम्प, चीन र थाइल्याण्डमा पनि क्षति
काठमाडौं । म्यानमारमा शक्तिशाली भूकम्प गएकाे छ । आज मध्यान्नमा ७.७ रेक्टर स्केलको भूकम्प गएको संयुक्त राज्य भूगर्भ सर्वेक्षण ( युएसजीएस) ले जनाएकाे छ ।
युएसजीएसका अनुसार भूकम्पको केन्द्रबिन्दु बर्मेली शहर सागाइङबाट १६ किलोमिटर (१० माइल)उत्तरपश्चिममा, मन्डले शहर नजिकै रहेको छ । यो राजधानी नेपिडावबाट लगभग १०० किलोमिटर उत्तरमा रहेको क्षेत्र हो।
चीन र थाइल्याण्डमा भूकम्पको धक्का महसुस गरिएको थियो । भूकम्पको क्षतिबारे विवरणहरु आउने क्रम जारी छ । बैंककमा बढी क्षति पुगेको हुन सक्ने अधिकारीहरुले जनाएको अन्तराष्ट्रिय सञ्चारमाध्यम बीबीसीले जनाएको छ।
