अमेरिकी भिसा होल्डरहरु निरन्तर निगरानीमा, जुनसुकै बेला हुनसक्छ भिसा रद्द र निष्कासन
काठमाडौं । संयुक्त राज्य अमेरिकाले भिसासम्बन्धी नीतिमा परिवर्तन गरिरहेका बेला अमेरिकी भिसाबाहकहरुलाई निगरानीमा राखिने भएको छ ।
काठमाडौंस्थित अमेरिकी दूतावासले सूचना जारी गर्दै भिसा जारी भइसकेपछि पनि भिसा जाँचको क्रम नरोकिने जनाएको छ ।
उनीहरुले अमेरिकी कानून र आप्रवासनका नियमहरु पालना नगरेको पाइमा जुनसुकै बेला भिसा रद्द गरेर निष्कासन गरिने समेत अमेरिकी दूतावासे जनाएको छ । उनीहरुलाई निरन्तर भिसा जाँचमा राखिने सूचनामा उल्लेख छ ।
