मौसम प्रतिकुलताका कारण अघिकांश आन्तरिक उडान प्रभावित, ३ अन्तर्राष्ट्रिय उडान डाइभर्ट
काठमाडौँ । मौसम प्रतिकुलताका कारण काठमाडौँबाट हुने अधिकांश आन्तरिक तथा अन्तर्राष्ट्रिय उडान प्रभावित भएका छन् ।
बिहानैदेखि धुम्मिएको मौसमका कारण मलेसियाबाट काठमाडौँ आएको नेपाल एअरलाइन्सको जहाज दिल्ली डाइभर्ट गरिएको छ भने तियान्फुबाट आएको जहाज ल्हासा डाइभर्ट गरिएको छ । त्यस्तै दोहाबाट आाएको जहाज कोल्कता डाइभर्ट भएको छ ।
त्यस्तै दिल्ली र दोहाका लागि उडान भर्ने तयारीमा रहेका जहाज पनि डिले भएका छन् ।
मौसमका कारण आन्तरिक उडान पनि अस्तव्यस्त भएको छ । काठमाडौँबाट पोखरा र भरतपुरका अधिकांश उडान डिले भएका छन् भने केही उडान रद्द भएका छन् ।