सरकारले अध्यादेश ल्याउँदा धेरैले धन्यवाद दिएका छन् : प्रधानमन्त्री ओली
काठमाडौँ । प्रधानमन्त्री केपी ओलीले सरकारले ल्याएको अध्यादेशबारे व्यापक समर्थन रहेको जिकिर गरेका छन् । सोमबार लुम्बिनी प्रदेशसभामा सम्बोधन गर्दै उनले अध्यादेश ल्याएपछि सबैले धन्यवाद दिएको जिकिर गरेका हुन् ।
‘हामीले २९ वटा कानुन हेरफेर गर्यौँ । ६ वटा अध्यादेशमा समेट्यौँ । अध्यादेशमा व्यापक समर्थन छ । धेरैले धन्यवाद भनेका छन्’, उनले भने, ‘विरोध गर्नै पर्ने भएकाले विरोध गर्नु बेग्लै कुरा हो । धेरै कानुन निर्माण गर्नुपर्छ । तीव्र गतिमा विकास गर्नका लागि अध्यादेश ल्याएको । कानुन निर्माण गर्ने काम अगाडि बढेको छ ।’
