परराष्ट्रमन्त्री राणा र कतारका विदेश राज्यमन्त्री मुराइखीबीच भेटवार्ता
काठमाडौं, ४ फागुन । परराष्ट्रमन्त्री डा. आरजु राणा देउवा र कतारका विदेशराज्यमन्त्री सुल्तान बिन साद बिन सुल्तान अल मुराइखीबीच भेटवार्ता भएको छ । आज (आइतबार) ओमनको राजधानी मस्कटमा शिष्टाचार भेटवार्ता भएको हो ।
आठौँ हिन्द महासागरीय सम्मेलनमा सहभागिताका लागि ओमनको मस्कटमा रहेका उनीहरुबीच आज साइडलाइन भेटमा दुई देशबीचको सम्बन्धको विषयमा छलफल भएको मन्त्री राणाले सामाजिक सञ्जालमार्फत जानकारी गराएकी छिन् । सो क्रममा उनले हमास समूहको नियन्त्रणमा रहेका नेपाली युवा विपिन जोशीको रिहाइका लागि सहयोग गरिदिन आग्रह गरेकी छिन् ।
