Logo
२८ चैत्र २०८१, शुक्रबार
(February 3, 2025)

‘सामाजिक उत्तरदायित्वका लागि पत्रकारिता’

पृथ्वी राजमार्गमा ओभरटेक गर्ने क्रममा ट्रकसँग ठोक्कियो कार, एक जना घाइते

काठमाडौँ । पृथ्वी राजमार्गअन्तर्गतको फिस्लिङमा कार र ट्रक ठोक्किएका छन् । चितवनको इच्छाकामना गाउँपालिकामा पर्ने सो स्थानमा कारले ओभरटेक गर्ने क्रममा दुर्घटना भएको हो । दुर्घटनामा परि एक महिला घाइते भएकी छिन् ।

काठमाडौँबाट मुग्लिङतर्फ जाँदै गरेको बा.प.०३–००१ ख १७५४ नम्बरको ट्रकमा विपरित दिशाबाट ओभरटेक गरेर आएको बा.प.०१–०२७ च ४००० नम्बरको कार ठोक्किएको हो । तिव्र गतिमा ओभरटेक गर्ने क्रममा कार दुर्घटना भएको मुग्लिन प्रहरीले जनाएको छ ।

दुर्घटनामा परि घाइते हुनेमा कारमा सवार ५० वर्षीया मायादेवी उपाध्याय रहेको प्रहरीले जनाएको छ । उनको उपचारका लागि भरतपुर अस्तपाल लगिएको बताइएको छ ।

प्रकाशित मिति: Feb 3, 2025

प्रतिक्रिया दिनुहोस्