मेनपावरका नाममा ठगी धन्दा गर्दै हिड्ने झापाका राउत प्रहरी थुनामा
बिभिन्न ब्यक्तिसँग ठगी गर्दै हिड्ने झापा मेचिनगरका प्रदिप राउतलाई काठमाण्डौ प्रहरी बृत महाराजगन्जले पक्राउ गरेको छ । प्रहरीले उनलाई बैंकिङ्ग कसुरमा माघ १५ गते पक्राउ गरेको हो ।
प्रहरीमा उनी विरुद्ध १९ लाख ५० हजार र १५ लाख को गरि दुई ओटा चेक बाउन्स भएको जहेरी रहेको छ । सोही जाहेरी अनुसार उनलाई गिरफ्तार गरिएको प्रहरीले जनाएका छन् ।
काठमाडौ स्थित चपल कारखाना नजिकै बसोवास रहेको उनी अल शाहिद ओभरसिज नामक एक मेनपार पम्पनीका निर्देशक समेत आफूलाई बताउँदै आएका थिए ।
आफ्ना नजिकका साथीहरुलार्इ ओफिसमा बोलाई बोलाई चिया, कफि खुवाउँदै यो अफिस मेरै हो भन्दै उनले ठगी गर्ने गरेको जाहेरीमा उल्लेख रहेको छ । उनले ठगीको ग्यारेन्टी स्वरुप आफ्नो र अफिसको चेक समेत दिने गरेका थिए ।
तर उक्त मेनपावर राउतको नभइ बलराम भट्टराईको नाममा रहेको खुलेपछि उनीसँग आर्थिक कारोवार गर्नेहरु सोधीखोजी गर्न थालेका थिए ।
एक पिडितका अनुसार कुनैबेला राउत बिर्तामोड झापामा जानकी ओभरसिजको शाखा कार्यालय सन्चालन गर्दै बिर्तामोड मै बसोबास गरिरहेका थिए भने त्यहाँ आफ्नो व्यबहार बिग्रन थालेपछि उनी झापा छोडी काठमाडौ पसेका थिए ।
सुरुमा काठमाडौ एयरपोर्ट नजिकै सि डि ह्युमेन रिसोर्सेज प्रालि नामक मेनपावर पाटनरसिपमा सन्चालन गरेका राउतले हिसाब किताब नमिलेपछि उक्त मेनपावर छाडी अल शाहिद ओभरसिजका नाममा ठी धन्दा सुरु गरेका थिए ।
