तनहुँमा मोटरसाइकल दुर्घटना हुँदा २ जनाको मृत्यु
८ माघ, काठमाडौं । तनहुँको बेलभन्ज्याङमा मोटरसाइकल दुर्घटना हुँदा दुई जनाको मृत्यु भएको छ ।
दमौलीबाट डुम्रेतर्फ आइरहेको गण्डकी प्रदेश ०३ ००१ प ०३१० नम्बरको मोटरसाइकल पृथ्वीराजमार्गअन्तर्गत डुम्रे दमौली सडकखण्डको बेलभन्ज्याङमा दुर्घटना भएको हो ।
दुर्घटनामा मोटरसाइकलमा सवार दुई जनाकै घटनास्थलमै मृत्यु भएको प्रहरीले जनाएको छ । मृत्यु हुनेमा रिसिङ गाउँपालिका-६ चालिसे घर भइ व्यास नगरपालिका-५ पाटन बस्ने वर्ष १९ का मोटरसाइकल चालक सन्दीप आले र मोटरसाइकल पछाडि सवार उनकी आमा वर्ष ४० कि मधुमाया आले रहेकी छन् ।
मोटरसाइकल कल्भर्टमा खसेको छ ।
