‘रविलाई प्रतिवादी बनाउन कानुनी धर्म समेत निभाइएन’ : वरिष्ठ अधिवक्ता सुशील पन्त
काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछाने को थुनछेक बहस काठमाडौँ जिल्ला अदालतमा जारी छ। जिल्ला न्यायाधीश माधव प्रसाद अधिकारीको इजलासमा जाहेरीकर्ता र सरकारी वकिलको बहस यस अघि नै सकिएका कारण आज लामिछानेको तर्फबाट कानुन व्यवसायीले बहस गरेका थिए । रविकातर्फबाट आज पहिलो बहस गरेका अधिवक्ता सुशील पन्तको बहस भर्खरै सकिएको छ ।
उनले रविमाथिको आरोपमा कानुनले धर्म छोडेको भन्दै रविलाई न्याय दिन माग गरे । ‘धर्ममा कानुन खोज्नु हुन्न तर कानुनले धर्म छोड्नु हुन्न,’ न्यायाधीश अधिकारीका सामु बहस गर्दै पन्तले भने ।
वरिष्ठ अधिवक्ता पन्तले रविको हकमा कानुनी प्रक्रिया अवलम्बन नगरिएको दाबी गरे । हद म्याद नाघेर रविमाथि मुद्दा ल्याइएको भन्दै उनले मुद्दा नै खारेजी हुनुपर्ने माग गरे । मुद्दामा रविलाई प्रतिवादी बनाएको तर सहकारीको रकम गएको गोर्खा मिडियालाई किन प्रतिवादी नबनाएको भन्दै पन्तले प्रश्न गरे ।
