सरकारी हेलिकोप्टर चढेर पार्टीको कार्यक्रममा पुगेका ओलीलाई पर्सामा भव्य स्वागत
काठमाडौं, १४ पुस । प्रधानमन्त्रीसमेत रहेका नेकपा (एमाले) का अध्यक्ष केपी शर्मा ओलीलाई पर्सामा भव्य स्वागत गरिएको छ । पार्टीको कार्यक्रममा पुगेका ओलीले आजको कार्यक्रममा करिब ५ हजार नेता तथा कार्यकर्तालाई पार्टी प्रवेश गराएको बताइएको छ ।
प्रधानमन्त्री ओली नेपाली सेनाको हेलिकोप्टर एनए ०६७ अगुस्टाबाट पर्सा पुगेका थिए । उनी आजै अपरान्ह काठमाडौं फर्किने कार्यतालिका छ । ओलीले पर्साको सखुवा प्रसौंनी गाउँलिकाका पूर्व अध्यक्ष प्रदीप लगायत एमाले प्रवेश गराएका छन् ।
