कर्णाली र लुम्बिनी प्रदेशबीच १९ बुँदे साझा प्रतिबद्धता

त्यस्तै प्रदेश कानुन बमोजिम लगाइने करका सम्बन्धमा दुवै प्रदेशबीच एकरूपता कायम गर्ने र प्राकृतिक स्रोत साधनबाट संकलन हुने रोयल्टी समेत बाँडफाँटको विषयमा सामञ्जस्ययता कायम गर्ने सहमति भएको कर्णालीका मुख्यमन्त्री यामलाल कँडेलले जानकारी दिए ।

कर्णालीका मुख्यमन्त्री कँडेलले सम्झौता पत्रमा दुई प्रदेशका सरोकारका विषयमा साझा धारणा बनाएर दुवै प्रदेशको विकास र समृद्धिको लागि प्रतिबद्ध रहेको बताए । ‘हामीले जे प्रतिबद्धता जाहेर गरेका छौँ, ती प्रतिबद्धता कार्यान्वयन गर्ने विषयमा हामी दृढ छौँ,’ संयुक्त पत्रकार सम्मेलनमा बोल्दै मुख्यमन्त्री कँडेलले भने, ‘कर्णालीको सिधा सम्बन्धदेखि प्रमुख नाका नै लुम्बिनीमा छ । दुई प्रदेशबीच भएको सहमतिहरू आगामी नीति तथा कार्यक्रम र बजेटमा समेत समावेश गरेर कार्यान्वयन गछौं ।’

लुम्बिनी प्रदेशका मुख्यमन्त्री आचार्यले प्रतिबद्धताहरू केवल प्रतिबद्धता मात्रै सीमित नरहने र कार्यान्वयन गरिने दाबी गरे । कार्यक्रमका लागि लुम्बिनीका मुख्यमन्त्री आचार्यसहितको २१ सदस्यीय टोली सुर्खेत आएको थियो ।

प्रदेशले छोएका ठूला सडक आयोजनाहरू जमुनाह–हिल्सा सडक, सुर्खेत–तेलपानी–भुरीगाउँ सडक, राप्तीत लोकमार्ग निर्माण र कोहलपुर–सुर्खेत सडक विस्तारमा समेत दुई प्रदेशबिच सहकार्य गरेर काम गर्ने सहमति भएको छ ।

त्यस्तै कोहलपुर–बबई तथा बबई–छिन्चु सुरूङमार्ग सम्भाव्यता अध्ययन समेत गर्ने दुई प्रदेशले सहमति गरेका छन् ।