उपकुलपति पोखरेलद्वारा शपथ ग्रहण
मनमोहन प्राविधिक विश्वविद्यालयका उपकुलपतिमा सुभाषश्री पोखरेल नियुक्त भएका छन्।
उनलाई कोशी प्रदेशका मुख्यमन्त्री एवं सो विश्वविद्यालयका कुलपति हिक्मतकुमार कार्कीले मुख्यमन्त्री तथा मन्त्रिपरिषद्को कार्यालय विराटनगरमा आज एक समारोहबीच पद तथा गोपनीयताको शपथ ग्रहण गराएका हुन्।
शपथ ग्रहण समारोहमा प्रदेशका सामाजिक विकासमन्त्री एवं सो विश्वविद्यालयका सहकुलपति पाँचकर्ण राई, विश्वविद्यालयका पदाधिकारी, कर्मचारीलगायत सहभागी थिए।
कोशी प्रदेश सरकारको हालै बसेको मन्त्रिपरिषद् बैठकले दुहवी नगरपालिका–५ का पोखरेललाई पुनः चार वर्षका लागि उपकुलपति पदमा नियुक्त गर्ने निर्णय गरेको थियो।
