जाजरकोटमा जिप दुर्घटना, एक महिने बालकसहित ५ जनाको मृत्यु
जाजरकोट । जाजरकोटको नलगाडमा जिप दुर्घटना हुँदा पाँच जनाको मृत्यु भएको छ भने दुई जना घाइते भएका छन् । गए राति ११ बजे नलगाड नगरपालिका ४ कालिमाटीबाट करुवा जाँदै गरेको ग३च ९८४५ नम्बरको जिप बिराखोला कैना कट्के सडकखण्डमा दुर्घटनामा परेको थियो जिप सडकबाट करिब सात सय मिटर खसेको छ ।
दुर्घटनमा परि नलगाड नगरपालिका ३ करुवाका अन्दाजी ३१ वर्षीय चालक इन्द्रजित थापा, सोही वडाकै अन्दाजी ६४ वर्षीया शिला पुन, अन्दाजी ३२ वर्षीया शारदा थापा, अन्दाजी १७ वर्षीया लक्ष्मी पुन रोका र उनको एक महिनाको छोरा आलोचन रोका रहेको जिल्ला प्रहरी कार्यालय जाजरकोटका डीएसपी पुरुषोत्तमप्रसाद पाण्डेले जानकारी दिए।
घाइते दुईमध्ये २१ वर्षीय जीवन विकको अवस्था सामान्य रहेकोले सामान्य उपचार पश्चात उनलाइ डिस्चार्ज गरिएको र अर्का घाइते १९ वर्षीय जनक थापाको नगर अस्पताल दल्लीमा उपचार भइरहेको प्रहरीले बताएको छ।
