रामेछाप बस दुर्घटना अपडेट: मृतक ५ मध्ये २ जनाको पहिचान खुल्यो
काठमाडौं । रामेछापमा बस दुर्घटना हुँदा ज्यान गुमाएका ५ जनामध्ये २ जनाको पहिचान खुलेको छ । शुक्रबार दिउँसो काठमाडौंबाट रामेछापको बेतालीका लागि छुटेको ना १ ज ७१२३ नम्बर को सुमो गाडी गोलुलगंगा गाउँपालिका ६ फर्पुस्थित सिमलडाँडामा दुर्घटनामा परेको थियो ।
८ जना सवार उक्त सुमो दुर्घटना हुँदा गोकुलगंगा गाउँपालिका ४ बेतालीका वडाध्यक्ष रामचन्द्र बस्नेत र चालक हिराबहादुर कार्कीको सनाखत भएको प्रहरीले जनाएको छ । मृत्यू हुने अन्य दुई महिला र एक बालकको सनाखत हुन बाँकी रहेको प्रहरीको भनाइ छ ।
जिल्ला प्रहरी कार्यालय रामेछापका अनुसार गाडी ३ सय मिटर तल खसेको छ । मृत्यु हुनेमा २ पुरुष, २ जना महिला र एक बच्चा रहेको प्रहरीले जनाएको छ ।
